सिराहा, २१ भदौ। सिरहा प्रहरीले गोलबजारबाट १६ ग्रामभन्दाबढी प्रतिवन्धित लागुपदार्थ ब्राउन सुगरसहित दुई युवकलाई नियन्त्रणमा लिएको छ। विशेष सूचनाको आधारमा प्रहरीले पूर्व–पश्चिम राजमार्ग अन्तर्गत गोलबजार नगरपालिका ३ गागनखोलाबाट १६ ग्राम १ सय मिलिग्राम ब्राउन सुगरसहित शुक्रवार राति नियन्त्रणमा लिएको हो।
स. ७ प २५९५ नम्बरको मोटरसाइकलमा सवार गोलबाजर नगरपालिका १ बल्डडाका २२ वर्षीय दिप कुमार यादव र नरहा गाउँपालिका ५ का ३० वर्षीय ईन्द्रजित कुमार यादवलाई उक्त परिमाणको ब्राउन सुगरसहित पक्राउ गरेको प्रहरी स्रोतले जनाएको छ।
इलाका प्रहरी कार्यालय गोलबजार र लागूऔषध नियन्त्रण ब्यूरो शाखा कार्यालय गोलबजारबाट खटिएको प्रहरीले कसहाबाट गोलबजारतर्फ आउँदै गरेको अवस्थामा पक्राउ गरेको जनाएको छ।
