लहान, १४ बैशाख। सप्तरीमा यात्रुबाहक बस अनियन्त्रिण भएर दुर्घटना हुँदा दुईजनाको मृत्यु भएको छ। दुर्घटनामा दुई दर्जनबढी यात्री घाइते भएका छन्।
पूर्व–पश्चिम राजमार्ग अन्तर्गत आइतबार मध्याह्न १२ बजेतिर सप्तरीको कञ्चनरुप नगरपालिका १० बदगामा नजीक उदयपुरबाट विराटनगर तर्फ जाँदै गरेको प्र १–०१–००१ ख ३४२० नम्बरको यात्रुबाहक बस आफैं अनियन्त्रित भएर पल्टीदा सप्तरीकै सप्तीकोशी नगरपालिका १ का ७५ वर्षीय रत्नबहादुर मगराती र परिचय नखुलेका अर्का एक महिलाको मृत्यु भएको इलाका प्रहरी कार्यालय कञ्चनपुरका डिएसपी माधवप्रसाद काफ्लेले जानकारी दिए।
डिएसपी काफलेका अनुसार मृत्यु भएका दुवैजना च्यापिएर गम्भीर घएका थिए। दुवैजनाको विराटनगरको मोडेल अस्पतालमा उपचारको क्रममा भएको हो।
गम्भीर, मध्यम र समान्य गरी दुई दर्जन यात्रु घाइते भएका छन्। उनीहरूको विभिन्न अस्पतालहरूमा उपचार भइरहेको डिएसपी काफ्लेले बताए। बसमा ३५ जना सवार रहेका थिए।
बस चालक झापाको मेचिनगर नगरपालिका ७ का ४७ वर्षीय अमृत दर्जी र बसलाई इलाका प्रहरी कार्यालय कन्चनपुरको नियन्त्रणमा राखेर घटनाबारे थप अनुसन्धान गरिरहेको प्रहरीले जनाएको छ।
